Jednostavno je, problem je u vremenu koje provodite pod tušem!
Koliko dugo se tuširate? Stručnjaci upozoravaju kako postoji trenutak nakon kojeg tuširanje više nije blagotvorno, već postaje "mučenje" za kožu, naročito ako je suva koža u pitanju!
"Duže tuširanje može negativno utiecati na vašu kožu, kosu i nokte jer ih previše isušuje", objašnjava dermatolog Ana H. Šason.
Prema njoj, idealno vrijeme tuširanja je do 15 minuta i to najviše jednom dnevno, ne češće, kako ne biste isušili kožu i kosu.
Medicinska sestra Džil Kejns, kaže da čak i dugi tuševi mlakom vodom mogu isušiti kožu jer uklanjaju prirodna ulja s nje. Nećete vidjeti golim okom, ali će koža imati minijaturne "pukotine" kroz koje će moći da uđu i mikrobi.
Ako ipak želite duže da se tuširate, stručnjakinja za njegu kože Čeril Vudman kaže da bi trebalo da probate da smanjite temperaturu vode, jer će hladnija voda imati blaže dejstvo na kožu.
Tuširanje previše toplom vodom je naročito problematično ako imate suvu kožu, ali ni tuširanje hladnom vodom ne bi trebalo da traje predugo. Vudmanova kaže da je očigledan znak da je dovoljno - kad koža počne da se smežurava.
Ako imate suvu kožu, poslije tuširanja obavezno nanesite hidratantni, umirujući losion za tijelo.