Svi ga dobro znaju, impozantna je pojava na terenu, a ovo niko nije primijetio.
Već četiri godine Den Burn igra u Premijer ligi, a u seniorskom fudbalu nastupa od davne 2009. godine, a tek sada su navijači primijetili da mu nedostaje jedan prst!
Jedan od najviših fudbalera u Premijer ligi sada je u životnoj formi i predviđa mu se poziv u nacionalni tim u 29. godini, a sa visinom od 201 centimetara je impresivno što se najbolje snalazi u ulozi lijevog beka.
Visoki Burn je u januaru iz Brajtona prešao u redove Njukasla, kluba u kome je kao dječak počeo da trenira i za koji navija od detinjstva, a tek sada su mediji u Engleskoj primijetili da mu na jednoj ruci nedostaje jedan prst!
Tokom jedne situacije na meču sa Čelsijem on je pokrio lice rukama, a to je u krupnom kadru uhvatila kamera i vidjelo se da na lijevoj ruci ima četiri prsta! Evo te situacije:
Iako nikada otvoreno nije pričao o tome, engleski mediji prenose da je Burn prst izgubio sa 13 godina. Navodno se tada popeo na ogradu, a kada se spuštao prsten koji je imao se zakačio za ogradu i tako je kao dječak ostao sa četiri prsta na lijevoj ruci.
Burn je svoju seniorsku karijeru počeo u Darlingtonu igrajući u Ligi 2, a onda je prešao u Fulam. Tu je debitovao u Premijer ligi 2013. godine, ali kada je Fulam ispao iz prvog ranga čekao je punih pet godina da ponovo zaigra Premijer ligu.
Nastupao je u Čempionšipu i Ligi 1 za Vigan, a onda ga je Brajton doveo 2018. godine i do danas je standardan premijerligaški igrač.