Oglasio se brat ubice sa Cetinja.
Boško Borilović, brat Vuka Borilovića koji je na Cetinju ubio više ljudi u nezapamćenom masakru, obratio se redakciji RTV Cetinje sa molbom da se objavi njegovo pismo.
"Ovim putem želim da se obratim i izjavim saučešće porodicama i komšijama nastradalih, a ni sam ne znam kako. To su bili sve dobri i pošteni ljudi i znam da nijedna moja riječ ne može ublažiti tugu i patnju za njihovim najmilijima. Žao mi je što nismo ja i moja porodica na mjestu njihovih najvoljenijih, da ne nose ovu muku i patnju", napisao je on.
Ovo su neke od žrtava Vuka Borilovića.
"Čitav život sam se borio za neki životni mir i sreću svih, ali mi ih više nemamo, niti ćemo ih više ikada imati, ni oni što izgubiše svoje najmilije koji su stradali ni krivi ni dužni od našeg nesretnika sa kojim sam se podigao. Da mi je jedna dlaka na glavi u životu promislila da je za takvo zlodjelo rođen moja bi mu ruka sudila. Niti mu groba znam, niti želim da znam, jer za zlodjelo koje je napravio nema nijedne riječi opravdanja i utjehe.
Samo ne želim da iko doživi sudbinu njihovih porodica i moje, koja je sada beznačajna i uništena", napisao je on. Dan ranije, oglasio se i čovjek kojem je Borilović ubio suprugu, dva sinčića i kuma.
Ovako je izgledalo odavanje počasti žrtvama Borilovića.
(MONDO/RTV Cetinje)