Mafini su sjajan ideja za doručak, jer se prave brzo i lako, a biće mekani ako u smjesu dodate i jogrut.
Mafine možete da pravite u slatkoj i slanoj verziji, a mi vam donosimo fantasičan recept za najmekše do sada. U smjesu obavezno dodajte jogurt, a obogatite im ukus sa šunkom i sirom. Mafini su vrlo jednostavni za pripremu, pa uspijevaju i početnicima u kuhinji.
Sastojci:
- 3 jajeta
- 200 ml jogurta
- 100 ml ulja
- 1/2 kašičice soli
- 150 g brašna
- 40 g šunke
- 40 g sira
- 120 g kukuruznog brašna
Recept:
Napravite smjesu
U posudi pomiješajte jaja i so, pa dobro umutite. Zatim sipajte jogurt i ulje, pa dodajte prosijano obično i kukuruzno brašno. Lijepo sjedinite.
Dodajte šunku i sir
U smjesu za mafine dodajte sjeckanu šunku, kao i rendani sir. Lijepo promiješajte.
Sipajte smjesu u kalup
Nauljite kalup za mafine, pa sipajte smjesu unutra. Ako želite pospite susamom i pecite u zagrijanoj rerni na 200°C nekih 25 minuta.