Kobi Brajant je te noći u Los Anđelesu sa 28 godina pokazao da mu nema ravnog
U ponedjeljak se navršilo tačno 16 godina od jedne od najimpresivnijih partija u karijeri Kobija Brajanta.
Pokojna zvijezda NBA lige je te večeri u Stejls centru plesala na terenu protiv Dalas Maveriksa i zatrpavala koš protivnika iz svih pozicija. Za tri četvrtine ubacio je čak 62 poena i potom u posljednjoj uopšte nije ulazio u igru.
Dao je više od svih igrača Dalasa u tom periodu!
"Ne znam da li to pamtite, ali dao je više od cijelog našeg tima. On je dao, na primjer, 63, a mi svi zajedno 62 (zapravo, Dalas je postigao 61). Poslije nije igrao u posljednjoj četvrtini, ali lako je mogao da ubaci 80 poena", pamti taj meč Dirk Novicki.
"U jednoj situaciji satjerali smo ga u ćošak, isticalo je vrijeme za napad nije mogao da šutira preko desnog ramena, pa se samo okrenuo na drugu stranu i gađao preko lijevog. Kao da je to uradio milion puta u životu. I samo BUP - ušlo je. Samo smo se pogledali i rekli: 'Ovaj tip je sa druge planete', dodao je Nijemac.
"TRČAO SAM KUĆI TO DA VIDIM"
Novicki ne zaboravlja njihove duele, kao i to da se uvijek trudio da gleda Kobijeve utakmice.
"Nekad sam trčao kući poslije utakmica da bih gledao završnice Lejkersa. Bio sam veliki Kobijev fan i naravno, jako mi je žao zbog velike tragedije koja se dogodila prije nekoliko godina", dodao je Nijemac.
Ovako je Kobi Brajant "sipao" te večeri: