Pripremite je već danas!
Recepti s pečurkama često obuhvataju tjesteninu, rižoto ili sličnu hranu, ali od njih možete napraviti i ukusnu čorbu.
Ako kod kuće imate sočivo i pečurke, ova čorba po italijanskom receptu će biti spremna brzo a super je izbor za zimski ručak. Pročitajte i vodič za kupovinu pečuraka!
Sastojci:
300 grama pečuraka
2 šargarepe
1 crni luk
2 čena bijelog luka
500 grama sočiva
100 grama svježeg spanaća
Kocka pileće supe
So, biber
Ruzmarin
Maslinovo ulje
Priprema:
Na maslinovom ulju propržite sjeckani crni i bijeli luk, pa dodajte šargarepu isječenu na kolutiće. Začinite ruzmarinom pa dodajte pečurke i nekoliko kašika vode. Kocku rastvorite u 700 mililitara vruće vode.
Dodajte sočivo, nalijte supom i pustite da provri, pa smanjite vatru i kuvajte još 25-30 minuta, dok sočivo ne omekša. Pred sam kraj umiješajte spanać i servirajte toplo, uz hljeb i kiselu pavlaku.