Klub iz kojeg je Crvena zvezda kupila novog napadača angažovao nekadašnjeg fudbalera srpskog tima.
Crvena zvezda je završila transfer brazilskog napadača Bruna Duartea (28), koji bi u narednoj sezoni trebalo da predstavlja jedno od najjačih oružja Vladana Milojevića. Iskusni napadač stigao je iz Farensea, a portugalski klub je brzo reagovao i na tržištu pronašao zamjenu - fudbalera koji je svojevremeno nosio baš crveno-bijeli dres.
Bivši igrač Zvezde Antonio Manuel Fernandes Mendes poznatiji po nadimku Tomane postao je novi fudbaler Farensea i u narednoj sezoni predvodiće ofanzivni dio tima u tom portugalskom klubu. On se u Portugal vraća nakon pet godina tokom kojih je nosio dres Crvene zvezde, Samsunspora i APOEL-a sa Kipra.
Svojevremeno je Tomane bio veliki talenat portugalskog fudbala i redovan reprezentativac u mlađim kategorijama, ali nešto nije išlo po planu u karijeri. Nakon što je ponikao u Vitoriji iz Gimaraeša igrao je na pozajmicama za Limijanos i Duizburg, zatim obukao dres Panetolikosa, pa Aruke i na kraju stigao u Crvenu zvezdu. Taj dio karijere navijači beogradskog kluba ne pamte po dobrom.
Na 32 odigrana meča Portugalac je postigao osam golova i asistirao pet puta, a iako je osvojio dvije šampionske titule to nisu najupečatljiviji dijelovi njegove karijere u Srbiji. navijači Zvezde najviše pamte penal protiv Olimpijakosa u posljednjem kolu grupne faze Lige šampiona, kada su crveno-bijeli povoljnim rezultatom mogli da se domognu evropskog proljeća. Šut Tomanea pogodio je prečku, a kasnije se mnogo spekulisalo zašto je on preuzeo odgovornost - više aktera tog meča istaklo je da Marko Marin nije želio da šutne penal, pa je zbog toga izbor pao na napadača.
Kasnije je drugi stranac u redovima Zvezde, levi bek Žander, napravio penal koji je crveno-bijele preskupo košatao. Olimpijakos je u 87. mninutu stigao do prednosti, a minimalna pobjeda ih je odvela u evropsko proljeće, dok je Zvezda završila grupu na posljednjoj poziciji sa tri osvojena boda.
Pratite sve sportske vijesti na jednom mjestu, budite dio Mondo sportske zajednice na Viberu!