Poznato je gdje će Makabi igrati sledeće nedjelje.
Košarkaši Makabija igraće sljedeću utakmicu Evrolige u Valensiji, u čuvenoj hali "La Fonteta". Iako je bilo predviđeno da "Ponos Izraela" u srijedu, 18. oktobra bude domaćin u Tel Avivu, to neće biti. Zbog rata Izraela i Palestine, timovi će zamijeniti domaćinstva, pa će Makabi ipak gostovati u Španiji.
Kako će Makabi riješiti ovo pitanje na duže staze, s obzirom na velike sukobe i rat koji plamti već danima? Iako je Partizan ponudio da ustupi Štark arenu izraelskom timu u znak podrške i pomoći, Makabi je trenutno svoje strance evakuisao na Kipar, dok će ostatak tima doći na to ostrvo u Mediteranu narednih dana.
S obzirom na "rokadu" domaćinstava sa Valensijom, Makabi će sljedeću utakmicu na svom terenu igrati tek 2. novembra, što znači da ima dovoljno vremena da se donese odluka o eventualnoj selidbi slavnog kluba u slučaju da do tada ne budu okončani sukobi.