Drejmond Grin ljeto provodi u Istanbulu, pa je tako trenirao sa Galatasarajem.
Drejmond Grin (32) u opremi Galatasraja. Dobro ste pročitali, NBA šampion ljeto provodi u Turskoj, pa je tako odlučio da trenira u Istanbulu. Ljudi iz redova turskog kluba su mu naravno izašli u susret.
Sa Nemanjom Bjelicom je proslavio osvajanje titule, igra sa Stefom Karijem i Klejom Tompsonom, a odlučio je da se priprema u Evropi. Čim je Galatasaraj objavio snimak, klip je postao viralan na društvenim mrežama.
"NBA zvijezda je došla da trenira sa nama. Pričao je sa članovima ekipe, pa je potom odradio individualni trening", poručili su iz turskog kluba.
⭐️ Draymond Green Sinan Erdem Spor Salonu@Money23Greenpic.twitter.com/Tclkju6izM
— Galatasaray Basketbol (@GSBasketbol)August 22, 2022
Kao što se i očekivalo, odmah su počele da stižu razne poruke od navijača koji mu traže da ostane tu i da igra za Galatu i naredne sezone. To se naravno neće dogoditi, mada bi bilo zanimljivo vidjeti Grina u evropskoj košarci.
Grin je jedan od najboljih defanzivaca u najjačoj ligi na svijetu. Sa Voriorsima je osvojio četiri titule (2015, 2017, 2018. i 2022. godine). Jedan je od ključnih igrača u timu Stiva Kera i to se posebno vidjelo u delu i prošle sezone kada je bio povrijeđen i kada se ekipa žestoko mučila. Nedavno je tražio novi ugovor i mnogo veću platu.