Napoli je najavio da će uručiti posebnu nagradu Mareku Hamšiku, nekadašnjem kapitenu, prije utakmice Lige šampiona protiv belgijskog Genka. "Biće to iznenađenje".
Šef marketinga u Napoliju Alesandro Formisano potvrdio je italijanskim medijima da će klub napraviti počast za slovačkog internacionalca pred utakmicu sa Genkom.
"Hamšik će biti na utakmici sa Genkom, potvrdio je da dolazi. Sat vremena prije utakmice priredićemo malu svečanost u njegovu čast i predstaviti mu iznenađenje. Biće to osoba koju je nepolitanski narod jako volio i koja će mu uručiti nagradu", ostao je zagonetan Formisano.
Hamšik je igrao u Napulju 12 godina, od 2007. do 2019, te upisao 520 takmičarskih utakmica i postigao 121 gol za ekipu sa "San Paola".
U februaru ove godine prešao je u kineski Dalijan Jifang, pa mu je status najboljeg strijelca Napolija ugrožen s obzirom da samo pet pogodaka nedostaje Drisu Mertensu (117) da ga prestigne.
Napoliju je za plasman u osminu finala Lige šampiona dovoljan jedan bod u utorak protiv belgijske ekipe.