Francuska policija otkrila je identitet odgovornog za stradanje tri osobe u terorističkom napadu u Nici.
Prema pisanju francuskih medija, riječ je o Tunišaninu koji je nedavno stigao u Francusku preko Italije.
Osumnjičeni, identifikovan kao Ibrahim Ausaui, sletio je krajem septembra na italijansko ostrvo Lampeduza, gdje su ga vlasti stavile u karantin prije nego što su ga pustile sa naredbom da napusti italijansku teritoriju.
U Francusku je stigao početkom oktobra, rekli su izvori bliski istrazi, a prenosi portal Arabija.
Prema izvorima portala Pariz meč, riječ je o Tunižaninu starom 21 godinu, koji je nedavno stigao u Francusku.
L’assaillant de l’attentat de Nice est un tunisien arrivé il y a très peu de temps par Lampedusa.
— Eric Ciotti (@ECiotti)October 29, 2020
Avec la crise sanitaire et sécuritaire, plus aucune entrée ne doit être tolérée !
Suspendons toutes les procédures d’asile et la délivrance de visa depuis les pays à risque !
Lokalni poslanik Erik Kjoti na svom nalogu na tviteru objavio je takođe ove informacije.
Nakon napada na ljude ispred katedrala, policija je „neutralisala“ muškarca ranivši ga u rame, a potom ga je odvela u bolnicu.
Prema riječima gradonačelnika Nice, Kristijana Estrosija, on je neprestano ponavljao „Alahu akbar“ dok su mu pružali medicinsku pomoć.
Podsjećamo, danas se u Francuskoj desila serija terorističkih napada.
Tenzije između muslimanskog stanovništva i zvaničnog Pariza došle su do usijanja ovog jutra, a po društvenim mrežama se šire neproverene informacije da teroristi napadaju u ime turskog predsjednika Redžepa Tajipa Erdogana.
Prvi napad dogodio se u Nici, a drugi nedaleko od Avinjona. U međuvremenu, treći napad desio se na drugoj strani svijeta - u Saudijskoj Arabiji gdje je ranjen službenik francuske ambasade.
Napadi su se dogodili u vrijeme kada se Francuska još oporavlja od ubistva nastavnika Samjuela Patija, kojem je muškarac čečenskog poreijkla odsjekao glavu ranije ovog mjeseca jer je učenicima prikazivao karikature islamskog proroka Muhameda tokom lekcije o slobodi govora.
Francuska i Turska su zaoštrile odnose zbog karikatura proroka Muhameda, nakon što je ovog mjeseca odrubljena glava nastavniku koji je učenicima pokazao karikature na času o slobodi govora.
(Mondo.rs)
