"Mbape poslao Joška Gvardiola u Hrvatsku": Pogledajte kako je ponižen najskuplji defanzivac svijeta

Pogledajte maestralan gol Kilijana Mbapea za Real Madrid protiv Mančester sitija, driblingom je prevario Joška Gvardiola.

Razlog je njihova odbrana koja je prvo kiksnula u prvom napadu, kada je Asensio poslao loptu za Mbapea, a snalažljivi napadač sačekao kiks Dijaša, pa istrčavanje Edersona za lagani lob i vođstvo od 4. minuta.

Poslije toga se povrijedio Stouns, ušao je Ake i odbrana je djelovala još ranjivije, tako da je Mbape to iskoristio ponovo u 33. minutu. Lijepo je driblao Rodrigo i pronašao je Mbapea u kaznenom prostoru, u visini penala, da bi se baš u dvije sekunde pokazalo o kakvom se majstoru fudbala radi. Iako je bio okružen rivalima, lako je dao gol.

Prvo je pobjegao Husanovu, a onda je driblingom prevario Joška Gvardiola, a kako kažu na društvenim mrežama taj lažnjak je bio kao da je najskupljeg defanzivca svih vremena "poslao nazad u Hrvatsku". Pogledajte kako je to izgledalo:

Podsjetimo, Real Madrid je prvi meč na "Etihadu" dobio 3:2.