Željko Obradović nije bio zadovoljan što je Cedevita Olimpija toliko nadskočila Partizan.
Partizan je sinoć bez većih problema savladao Cedevita Olimpiju (85:70) i tako je poveo 1:0 u polufinalnoj seriji ABA lige, a trener crno-bijelih Željko Obradović nije bio zadovoljan pojedinim stvarima u igri svog tima i želi što prije da ih popravi. Posebno mu se nije dopao odnos u skokovima koji je bio "debelo" na strani kluba iz Ljubljane (50:28), što pod hitno želi da promijeni pred naredni meč na njihovom terenu.
"Razmišljam šta bi bilo da skokovi nisu takvi kakvi jesu, kakav bi rezultat bilo. Od samog početka je bilo tako, pričali smo o tome da su oni takvi, koncetrisani. Takav odnos nisam vidio nikada u životu, da jedna ekipa tako nadskoči drugu, to se ne dešava ni na nekim prijateljskim utakmicama kada igraš protiv ekipe iz nižeg ranga. To je stvar koju ćemo pokušati da popravimo i da ne bude tako u drugoj utakmici", kazao je Željko Obradović i je verovatno već "arhivirao" utakmicu i osvrnuo se sljedećoj koja se igra u utorak od 18 časova.
JA TO NISAM VIDIO NIKADA U ŽIVOTU! Partizan pregazio Cedevitu, ali jedna stvar ga nervira: To nema ni u niželigašima
"Idemo u Ljubljanu sa 1:0. Svjesni smo toga da se utakmica igra za manje od 48 sati, sutra nas ujutru očekuje put autobusom do tamo, te je logično bilo da rasporedimo minutažu imajući u vidu drugu utakmicu. Čestitam igračima na pobjedi, hvala navijačima na sjajnoj atmosferi u dvorani, znamo da nam je potrebna još jedna pobjeda da bismo se plasirali u finale".
Što se tiče Uroša Trifunovića i Zeka Ledeja, koji su odigrali odlične utakmice, Željko Obradović ih je nahvalio poslije susreta iako nema običaj da priča o individualnim nastupima. Ovoga puta je napravio izuzetak.
"Trifunović je odigrao dobru utakmicu u oba smjera, zna koliko mu vjerujem. Što se tiče Zeka, imao je otvorene šuteve koji su kao na treningu, nije ubacivao, ali to nije problem. Imali smo šuteve koji su iznuđeni, imamo neke stare boljke, kao što je gledanje pasa unutra onda kada su dva igrača slobodna napolju", zaključio je Obradović.