Novi šampioni svijeta deklasirali i Norvešku u borbi za zlato. Nema im ravnih!
Istorija u Herningu!
Reprezentacija Danske pokazala je da je najbolja na svijetu i u finalu rutinski pobijedila rivala, reprezentaciju Norveške!
Mikel Hansen (na slici), strijelac sedam golova, i saigrači tako su ispisali istoriju rukometa svoje zemlje, jer su se prvi put popeli na krov planete i objedinili olimpijsko i svjetsko zlato!
Ovog januara Hansen, Rasmus Lauge i saigrači su pobijedili u svih 10 utakmica Svjetskog prvenstva i pokazali da su bez premca najbolji i najdominantniji tim. Osvajanjem titule ujedno su izborili i plasman na Olimpijske igre 2020, gdje će takođe braniti tron.
Norveška - Danska 22:31 (11:18)
Kao i u polufinalnom meču protiv Francuske (38:30), Danci su kontrolisali i igru i rezultat, dopustivši protivniku samo (prvih) pet minuta ravnopravne utakmice.
Desno krilo Lase Svan Hansen trgao je domaćina finala pri rezultatu 5:4 za Norvešku, tako što je počeo i završio seriju 4:0. Od tog trenutka, nije postojala ni najmanja dilema oko toga ko će postati šampion svijeta.
Kreator igre Norvežana, Sander Sagonsen, trudio se da održi ekipu u kakvom-takvom egalu, ali su Rasmus Lauge i Magnus Landin Jakobsen u završnici prvog dijela donijeli Dancima "plus 6", a Mads Mensah Lansen je iz čvrste odbrane donio i do tada maksimalnih "plus 7".
Poslije takvog prvog dijela, nastavak finala bio je stvar protokola, koji su navijači iskoristili da proslave pobjedu, a sjajni Hansen, lider ove generacije, da završi finale sa sedam postignutih golova! Prednost novih šampiona je desetak minuta prije kraja iznosila i "plus 11"!
Danci su pobjeđivali od početka do kraja turnira, pokazali za klasu bolji rukomet od ostalih i apsolutno zasluženo prvi put stali na svjetski tron, poslije tri poraza u finalima (1967, 2011. i 2013. godine).
Konačan plasman reprezentacija na Svjetskom prvenstvu u Danskoj i Njemačkoj:
1. Danska
2. Norveška
3. Francuska
4. Njemačka
5. Švedska
6. Hrvatska
7. Španija
8. Egipat
9. Brazil
10. Mađarska
11. Island
12. Tunis
13. Katar
14. Rusija
15. Makedonija
16. Čile
17. Argentina
18. Srbija
19. Austrija
20. Bahrein
21. Saudijska Arabija
22. Koreja
23. Angola
24. Japan
Iz minuta u minut:
- GOTOVO JE, DANSKA SE PROŠETALA DO ZLATA! -
48' 15:26 Finale se pretvara u debakl Norveške! Mikel Hansen postiže gol za maksimalnih "plus 11"!
44' 15:23 Mikel Hansen "bombom" postavlja "plus 8", a Morten Olsen snažnim izbacajem velikih "plus 9". Još malo više od 15 minuta do sasvim izvjesne pobjede Danaca.
42' 15:22 Nema neizvjesnosti, jer je tu Lauga i jer je tu čvrsta odbrana Danaca.
40' 15:21 Hansen, pa Lauge napravili su dvije tehničke greške, a njihov selektor je to prepoznao i zatražio tajm-aut kad su Norvežani prišli na "minus 6".
38' 13:21 I početkom nastavka - ista meta i isto odstojanje. Iako Mikel Hansen ne igra ni približno dobro kao u polufinalu, Danci i dalje imaju mirnu prednost.
- poluvrijeme, 11:18 -
29' 10:17 Lijevo krilo Danaca Magnus Landin Jakobsen donosi prvi put šest tgolova prednosti Dancima, a Mads Mensah Lansen iz dobre odbrane to vođstvo pretvara u "plus 7". Već se nazire ko će biti svjetski šampion...
26' 10:14 Norveška je u situaciji sa igračem više napadala sa SEDMORICOM, lišivši se nakratko golmana. Toliko joj je bio potreban gol i postigla ga je.
25' 9:14 Rasmus Lauge trči u kontru, golman Norveške Espes Krinstensen ne stiže na gol i Danska prvi put vodi "plus 5".
20' 8:11 Sander Sagonsen, rukometaš Pari Sen Žermena, održava Norvežane u podnošljivom minusu (8:10), ali na drugoj strani blista Morten Olsen.
17' 7:10 Sagosen postiže važan gol za Norvežane i održava ih na minusu od tri gola. Sada Danci zovu tajm-aut.
14' 5:9 Anders Zakarijarsen održava prednost Danaca "plus 4", a Norvežani zovu prvi tajm-aut.
12' 5:8 Danska je u ritmu i u serij i 4:0! Ponovo igra na krilo, ponovo Svan Hansen i ponovo gol!
8' 4:5 Gledamo sjajan rukomet! Hansen je na krilu pronašao Svan Hansena i doneo prednost Dancima! Odmah potom, prvu odbranu zabilježio je Niklas Landin.
5' 3:3 Atomski rukomet i prvi kratak predah! Lauge je postigao treći gol Danaca, pa ostao da leži zbog povrede. Od početka meča Norvežani vode, ali odmah i ispuštaju prednost.
1' 0:0, nije počelo kako smo se nadali. Mikel Hansen izveo je kazneni udarac i nije doveo Dance u prednost. Radost Norvežana!
NAJAVA:
Poslije 18 dana velikih borbi u Njemačkoj i Danskoj saznaćemo ko će na tronu naslijediti suverenog vladara svjetskog rukometa, Francusku, koja je osvojila četiri od posljednjih pet Mundijala, od čega dva uzastopno.
Da li će titula ostati u zemlji u kojoj je nastala ova igra krajem XIX vijeka ili će otići na krajnji sjever Starog kontinenta? Budite uz Mondo, pratićemo finale u "Boksenu" UŽIVO.
Anketa
Ko će slaviti u finalu Svjetskog prvenstva u rukometu?
-
Danska
70% (7)
-
Norveška
30% (3)
Skandinavsko finale donosi sudar dvije selekcije koje su stizale do finala, ali ne i do zlata.
Norvežani su prvi i do sada jedini meč za trofej igrali 2017, ali su i tada imali nesreću da im rival bude domaći tim, bodren hiljadama navijača sa tribina. Francuzi su u Parizu predvođeni sjajnim Nikolom Karabatićem bili ubjedljivi - 33:26, pa su "vikinzi" morali da se zadovolje srebrom - prvom medaljom u istoriji njihovog rukometa.
Norvežani su se vratili u finale "brejkom" u Hamburgu u petak uveče, gdje su utišali njemačke navijače i poslali jednog od organizatora SP u borbu za treće mjesto - 31:25.
Može li tim Kristijana Bergea da napravi još jedan, veći podvig? Jer... Dancima u vitrinama nedostaje samo svjetsko zlato. Ova generacija osvajala je Olimpijske igre 2016. i Evropska prvenstva 2008. i 2012. godine, ali...
Oba današnja meča možete gledati u direktnim TV prenosima na Areni Sport 1.
Danska, koja je do borbe za zlato stigla preko dosadašnjeg šampiona, Francuske - 38:30, tri se puta do sada našla u finalu i bila poražena... Čehoslovačka ih je savladala 1967. u finalu u Švedskoj rezultatom 14:11, dok su 2011. na istom mjestu izgubili od Francuske poslije produžetaka - 37:35. Dvije godine kasnije u Španiji ih je "pregazila" domaća selekcija - 35:19.
Iz ekipe koja je gubila finala 2011. i 2013. tu su još golman Niklas Landin, lijevi bek Mikel Hansen i srednji bek Razmus Lauge.
Večerašnji rivali već su odmjerili snage na ovom turniru.
U posljednjem kolu pve faze, u Grupi C, Danska je pobijedila 30:26, što je Norvežanima bio jedini dosadašnji neuspjeh. S druge strane, izabranici Nikolaja Jakobsena jedina su neporažena selekcija sa svih devet pobjeda.
Danska trenutno ima i prvog strijelca turnira - Mikela Hansena, sa 65 golova, dok je kod Norvežana najefikasniji do sada bio Magnus Jondal, koji je 50 puta pogodio protivničku mrežu.
Norvežani imaju najbolje rangiranog golmana. Espen Kristensen sa 39 odsto uspješnosti (47/120) prvo je ime turnira, a nijansu lošiji od njega je danski čuvar mreže Niklas Landin Jakobsen, sa 38 odsto odbranjenih šuteva (72/192).
Rezultati završnice Mundijala:
polufinala (petak)
Danska - Francuska 30:38 (15:21)
Njemačka - Norveška 25:31 (12:14)
za 7. mjesto (subota)
Španija - Egipat 36:31 (17:18)
za 5. mjesto (subota)
Švedska - Hrvatska 34:28 (16:13)
za 3. mjesto (nedjelja)
Njemačka - Francuska 25:26 (13:9)
finale (nedjelja)
Norveška - Danska 22:31 (11:18)