Bivša hrvatska premijerka Jadranka Kosor iznijela detalje iz privatnog života
Kosor je progovorila o svom ocu koji ju je napustio kad je imala dvije godine i nikad više se nisu vidjeli.
"Ja sam to osjećala kao ogroman nedostatak i neku vrstu sopstvene krivice. Bila sam jedino dijete u školi bez oca. Djeca su me tukla, rugala mi se dok se nisam i ja počela tući za svoje mjesto. Kako sam se osjećala? Pa cijeli život, pa i sada, kao neka nedovršena ja. Kao neka vrsta pokvarene lutke. One koje su uvijek govorile ‘mama’, a nikad ‘tata'", rekla je Kosor.
"Novinari su došli da ga pitaju da li je ponosan što mu je kći postala predsjednica vlade, prvo ih je ignorisao, a onda je rekao: ‘O toj osobi ne želim govoriti.’ To me je pokosilo", kaže. Rekla je i da mu je u dva navrata pisala. Kad je naučila da piše, pisala mu je, kaže, svaki dan.
Odgovor nikad nije dobila, a sva pisma koja mu je poslala, otac joj je vratio neotvorena u velikoj žutoj koverti, dodala je.
Na sahranu ocu je ipak otišla.
S članovima njegove porodice nije ostala u kontaktu, ni s bratom.
"Mi smo jako slični. On je slučajno saznao da sam mu sestra. Nedostajao nam je neko tko bi nas spojio. Mi smo bili dva stranca, užasno bliska. Imala sam strašan teret od toga da je on imao oca cijelo vrijeme, a ja ga nisam imala ni pola sata. Nas ništa nije spojilo", rekla je Kosor.
"On je zabranio svojoj rodbini da imaju ikakve kontakte sa mnom. Ne bi moj tata saznao da je neko od moje rodbine poslao neku kartolinu, neku čokoladu. Ja nikad ništa nisam dobila ni od svog tate ni od njegove rodbine", kaže.
S majkom, kaže, ima hladan odnos.
"Ona jako dugo nije živjela sa mnom. Uvek i u svakom trenutku mi se volimo, to je bezuslovna ljubav. Ali ono što ne izgradite u toj najranijoj dobi, to se ne može nadoknaditi. Danas živim s njom, brinem se o njoj, kuvam, spremam, medicinska sam sestra…", govori.
"S 15 godina sam izbacila očuha koji me je pokušao seksualno zlostavljati"
"Ja sam uz baku imala samo mamu. Njih dvije su jedina moja porodica bila", kaže Jadranka Kosor.
S 15 godina je, kaže, iz kuće izbacila očuha koji ju je pokušao seksualno zlostavljati.
"Mislim da sam hrabra osoba. Rekla sam majci, ili on ili ja, što je neverojatno kad gledam iz ove distance. Pobacala sam sve njegove stvari. Mami je to bio drugi veliki poraz u životu, drugi propali brak. Ja to jako dobro razumijem. Mislim da bi mi se mnogo manje loših stvari u politici dogodilo da sam uz sebe imala nekog muškarca, nekog muža", govori.
Kaže kako je sina kupala u ljubavi, kao i da je teško podnijela njegovu najavu da će se oženiti. Danas pak ima odličan odnos sa snajkom.
"Ja sam to doživljavala kao trenutak kad će me još neko ostaviti, ali to nije bilo tako", govori Kosor. Prema njenim riječima, na sina je ponosna, a vole ga i sve komšije. Unukima nešto i njenih gena. "Mnogi misle da sam ja jedna ledena ženska osoba. A nisam, ja ne volim da se šalim na sopstveni račun", rekla je Kosor.
(Mondo/N1)
