Namještaj koji je pokojni jugoslovenski predsjednik Josip Broz Tito koristio u vili u uvali Lapad ponuđen je na prodaju
Ta vila je oduzeta u procesu nacionalizacije i vraćena nasljedniku bogate dubrovačke porodice Banac.
Ukupno 115 predmeta nudi se na aukciji, sa početnom cijenom od oko 25.000 evra, navodi “Jutarnji list.”
Najskuplji predmet je klavir, čija je početna cijena 2.500 evra, dok je masivni bračni krevet procijenjen na 500 evra.
Cijene su relativno niske jer je većina namještaja u lošem stanju i nema veliku umjetničku vrijednost. Na cijenu je uticala i činjenica da se radi o predmetima koje Tito nije često koristio, jer nije volio tu vilu, pa je u njoj rijetko boravio.
(Fonet)
