Evakuacija stanovništva zbog cunamija počela je na ostrvu Sahalin i Filipinima, a upozorenje na visoke talase prošireno je na nekoliko zemalja.
Oko 11.000 ljudi evakuisano je u više predjele ostrva Sahalin, na ruskom Dalekom istoku, saopštile su vlasti.
Filipinske vlasti očekuju da će prvi talasi, visine oko jednog metra do najistočnijih dijelova te zemlje stići do 17 časova po lokalnom vremenu, odnosno 10 časova po srednjoevropskom vremenu, a evakuacija je
naređena i u okolini prijestonice Manile u skloništa na nadmorskoj visini većoj od pet metara.
Evakuacija stanovništva iz priobalnih predjela u više dijelove naređena je i na Marijanskim ostrvima, na kojima živi oko 89.000 ljudi.
Zemljotres jačine 8,9 stepeni Rihterove skale pogodio je danas sjeveroistočni dio Japana i izazvao cunami talas visine i do 10 metara.
Upozorenje od cunamija prošireno je pored Rusije i Filipina, na Papuu Novu Gvineju, Havaje, Australiju, Novi Zeland i pacifičku obalu Južne Amerike.
(Beta)
