Pečenu mačku pronašli su juče Novosađani ispred zgrade u Ulici Maksima Gorkog 1. Beživotno tijelo mačke nalazilo se na zelenoj poršini.
Violeta Grebenar koja je prolazeći ulicom uočila beživotno tijelo mačke, kaže da nikada u životu nije vidjela nešto slično tome, pišu "24 sata".
"Tijelo životinje izgleda kao da je ispečeno u rerni. To mora da je uradio neko iz obližnjih zgrada. Nakon mučenja nisu je sklonili ili bacilli u kontejner, već su je ostavili na prolazno mjesto da je svi vidimo. Mislim da je to neki bolesni um uradio. Zaprepašćena sam. Ne mogu da vjerujem da je neko sposoban da uradi ovako nešto", priča Grebenar.
U Udruženju za zaštitu životinja Vojvodine kažu da je nažalost u posljednjih nekoliko mjeseci sve više slučajeva u kojima su životinje osakaćene i brutalno ubijene.
"U vrijeme praznika djeca su bacala petarde na pse i mačke i tako ih povrijeđivala. Ne znam na koji način je mačka ubijena, ali moja pretpostavka je da su je mučili petardama. U svakom slučaju bi trebalo da se stane na put ovakvim mučenjima životinja, a ko god da je to uradio ima ozibljan psihološki poremećaj", objašnjava predsjednica Udruženja dr Slavica Keco.
Pred kraj godine Futožani našli obješenog psa u zapuštenom dijelu tog mjesta. Žitelji tog prigradskog novosadskog mjesta kazali su da u dijelu naselja koje se zove Pašnjak ubijene životinje nisu rijetkost.
Očevidac je izjavio da su građani naišli na mačku sa ekserima zabijenim u oči i na šest ubijenih kučića.
Za mučenje i ubistvo životinja predviđene su kazne od 5.000 dinara do nekoliko mjeseci zatvora, podsjećaju "24 sata".
(MONDO)