Umjetnički direktor Boljšog teatra Sergej Filin, kome je nepoznati napadač bacio kiselinu u lice, napustio je bolnicu u Moskvi.
On će liječenje nastaviti u Njemačkoj, javili su danas ruski mediji.
"Osjećam se dobro, čak jako dobro. Samo još da bolje vidim", rekao je novinarima po izlasku iz bolnice.
Filin, koji će liječenje nastaviti u Ahenu, na zapadu Njemačke, rekao je da će poslije ljekarskih konsultacija znati koliko će liječenje trajati.
Napadač na Filina, koji ima opekotine trećeg stepena po licu i više je puta podvgrnut operaciji, nije još identifikovan.
Filin je juče izjavio za Bi-Bi-Si (BBC) da mu je poznat identitet napadača. Pogledajte VIDEO.
"Nemam sumnje, sasvim sam siguran da znam ko je to uradio", rekao je umjetnički direktora Boljšog teatra.
Postoji mogućnost da napad ima veze s njegovim izborom određenih kandidata za uloge u baletu.
(Beta)